ພາລະບົດບາດ

ສາທາລະນະລັດ ປະຊາທິປະໄຕ ປະຊາຊົນລາວ

ສັນຕິພາບ ເອກະລາດ ປະຊາທິປະໄຕ ເອກະພາບ ວັດທະນະຖາວອນ

ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ                                                                                                                           ເລກທີ…………/ຖວທ

                                                                                                                                                                     ນະຄອນຫຼວງວຽງຈັນ, ລົງວັນທີ…...……………

ຂໍ້ຕົກລົງ

ວ່າດ້ວຍ ການຈັດຕັ້ງ ແລະ ການເຄື່ອນໄຫວຂອງ

ພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງຫຼວງນ້ຳທາ.

• ອີງຕາມ : ກົດໝາຍ  ວ່າດ້ວຍ ການປົກຄອງທ້ອງຖິ່ນແຫ່ງ ສປປ ລາວ ສະບັບ ເລກທີ 03/ສພຊ, ລົງວັນທີ 21

ຕຸລາ ປີ 2003;

– ອີງຕາມ : ດຳລັດສະບັບເລກທີ 396/ນຍ, ລົງວັນທີ 2 ພະຈິກ 2011 ວ່າດ້ວຍ ການຈັດຕັ້ງ ແລະ ການເຄື່ອນໄຫວຂອງກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ;

– ອີງຕາມ  :  ມະຕິຕົກລົງຂອງ ກົມການເມືອງສູນກາງພັກ ສະບັບ ເລກທີ 03/ກມສພ, ລົງວັນທີ 15 ກຸມພາ 2012

ວ່າດ້ວຍ ການສ້າງແຂວງເປັນຫົວໜ່ວຍຍຸດທະສາດ, ສ້າງເປັນເມືອງຫົວໜ່ວຍເຂັ້ມແຂງຮອບດ້ານ, ສ້າງບ້ານເປັນຫົວໜ່ວຍພັດທະນາ;

– ອີງຕາມ : ຂໍ້ຕົກລົງ  ສະບັບເລກທີ  400/ຖວທ, ລົງວັນທີ  5 ພຶດສະພາ 2011 ວ່າດ້ວຍ ການຈັດຕັ້ງ ແລະ ການ

ເຄື່ອນໄຫວຂອງ ພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງ, ນະຄອນຫຼວງວຽງຈັນ;

– ອີງຕາມ : ການຄົ້ນຄ້ວາ ແລະ ການນຳສະເໜີຂອງກົມຈັດຕັ້ງ  – ພະນັກງານ;

ລັດຖະມົນຕີ

ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ອອກຂໍ້ຕົກລົງ  :

ໝວດທີ I

ບົດບັນຍັດທົ່ວໄປ

ມາດຕາ1  :     ຈຸດປະສົງ  :

        ຂໍ້ຕົກລົງສະບັບນີ້ກຳນົດທີ່ຕັ້ງ, ພາລະບົດບາດ, ໜ້າທີ່, ຂອບເຂດສິດ ໂຄງປະກອບການຈັດຕັ້ງ, ຫຼັກການ ແລະ ແບບແຜນວິທີ່ເຮັດວຽກ ເພື່ອເປັນບ່ອນອີງທາງດ້ານນິຕິກຳໃຫ້ແກ່ການເຄື່ອນໄຫວຂອງພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແຂວງຫຼວງນ້ຳທາ ໃຫ້ໄດຮັບການພັດທະນາຕາມແນວທາງນະໂຍບາຍຂອງພັກ, ລະບຽບກົດໝາຍຂອງລັດ, ປະກບສ່ວນເຮັດໃຫ້ເສດຖະກິດ - ສັງຄົມພາຍໃນຂອບເຂດແຂວງຫຼວງນ້ຳທາເຕີບໃຫຍ່ຂະຫຍາຍຕົວເຂັ້ມແຂງຮອບດ້ານ ແລະ ໝັ້ນຄົງ;

ມາດຕາ 2  :    ທີ່ຕັ້ງ ແລະ ພາລະບົດບາດ  :

                   ພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງຫຼວງນ້ຳທາ ແມ່ນໂຄງປະກອບກົງຈັກການ ຈັດຕັ້ງໜື່ງ ຂອງອົງການປົກຄອງແຂວງຫຼວງນ້ຳທາ ດ້ານວິຊາການແມ່ນຢູ່ພາຍໃຕ້ການຊີ້ນຳ ແລະ ກວດກາຂອງກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ຊື່ຂຽນເປັນຕົວອັກສອນຫຍໍ້ “ ຖວທ.ຫຼທ “ ຂຽນເປັນ ພາສາຝຼັ່ງ “ Le Service de L’Information de la Cultuer et du Tourism de la province LUANGNAMTHA’’ ຂຽນເປັນຕົວອັກສອນຫຍໍ້ “ SICT.LT “.

ໝວດທີ II

ໜ້າທີ່ ແລະ ສິດຂອບເຂດ

ມາດຕາ 3  :    ໜ້າທີ່  :

                ພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງຫຼວງນ້ຳທາ ມີໜ້າທີ່ດັ່ງນີ້  :

3.1.   ຄົ້ນຄ້ວາ, ເຊື່ອມຊຶມ ແລະ ຫັນເອົາແນວທາງນະໂຍບາຍຂອງພັກ, ທິດທາງແຜນການຂອງ ລັດຖະບານ, ກະຊວງ ແລະ ອົງການປົກຄອງແຂວງຫຼວງນ້ຳທາ ມາເປັນແຜນການ, ແຜນງານ, ໂຄງການອັນລະອຽດ ຂອງພະແນກຖະ ແຫຼງຂ່າວ, ວັດທະນະທຳ ແລະ ທ່ອງທ່ຽວ ພ້ອມທັງຈັດຕັ້ງປະຕິບັດໃຫ້ປະກົດຜົນເປັນຈິງ  :

3.2.   ຈັດຕັ້ງໂຄສະນາ, ເຜີຍແຜ່ ແລະ ຈັດຕັ້ງປະຕິບັດແນວທາງນະໂຍບາຍ, ກົດໝາຍ, ດຳລັດ, ຂໍ້ກຳນົດ, ຄຳສັ່ງ, ຄຳ ແນະນຳ ແລະ ແຈ້ງການຕ່າງໆ ກ່ຽວກັບວຽກງານຖະແຫຼງຂ່າວ, ວັດທະນະທຳ ແລະ ທ່ອງທ່ຽວ  ພ້ອມທັງສຶກສາ ອົບຮົມ, ແນະນຳໃຫ້ແກ່ການຈັດຕັ້ງຂອງລັດ, ສັງຄົມ, ບຸກຄົນ, ນິຕິບຸກຄົນ, ພົນລະເມືອງລາວ ແລະ ຊາວຕ່າງດ້າວ ທີ່ອາໃສຢູ່ແຂວງຫຼວງນ້ຳທາໄດ້ເຊື່ອມຊຶມ ແລະ ປະຕິບັດໃຫ້ຖືກຕ້ອງ;

3.3.   ໂຄສະນາ, ເຜີຍແຜ່ຜົນສຳເລັດການຈັດຕັ້ງປະຕິບັດແນວທາງນະໂຍບາຍ, ແຜນພັດທະນາເສດຖະກິດ-ສັງຄົມ, ວັດ ທະນະທຳ, ຮີດຄອງປະເພນີອັນດີງາມ ຕະຫຼອດເຖິງວຽກງານປ້ອງກັນຊາດ - ປ້ອງກັນຄວາມສະຫງົບ, ແນວທາງ ການຕ່າງປະເທດ, ການເຄື່ອນໄຫວຂອງຂອງຜູ້ນຳພັກ-ລັດ ຜ່ານພາຫະນະສື່ມວນຊົນ;

3.4.   ສະໜອງຂໍ້ມູນຂ່າວສານຄວາມຮູ້, ວິທະຍາສາດ, ວິທະຍາການທີ່ທັນສະໄໝ, ສາລະບັນເທີງ, ກິລາ ແລະ ການ ທ່ອງທ່ຽວ ໂດຍຜ່ານສື່ສິ່ງພິມ ແລະ ສື່ເອເລັກໂຕຣນິກ;

3.5.   ສ້າງແຜນພັດທະນາພາຫະນະສື່ມວນຊົນ, ຈັດຊື້, ຕິດຕັ້ງ, ສ້ອມແປງ, ປ່ຽນຖ່າຍ, ແລະ ຄຸ້ມຄອງນຳໃຊ້ຕາມມາດ ຖານເຕັກນິກທີ່ກະຊວງກຳນົດບົນພື້ນຖານການຕົກລົງເຫັນດີຂອງຂັ້ນເທິງ;

3.6.   ຊຸກຍູ້, ຕິດຕາມ, ກວດກາ, ແນະນະ ແລະ ອະນຸຍາດຜູ້ປະກອບການດ້ານຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ພາຍໃນແຂວງຫຼວງນ້ຳທາຕາມການແບ່ງຂັ້ນຄຸ້ມຄອງ;

3.7.   ຄຸ້ມຄອງສື່ສິ່ງພິມ, ການຜະລິດ-ຈຳໜ່າຍ, ການບໍລິການ, ການນຳເຂົ້າ-ສົ່ງອອກ ຜະລິດຕະພັນດ້ານຖະແຫຼງຂ່າວ, ວັດທະນະທຳ ແລະ ທ່ອງທ່ຽວພາຍໃນແຂວງຕາມການແບ່ງຂັ້ນຄຸ້ມຄອງ;

3.8.   ຊີ້ນຳ, ຄຸ້ມຄອງ, ແນະນຳທາງດ້ານວິຊາການ ແລະ ສົ່ງເສີມຂະບວນການເຄື່ອນໄຫວວັດທະນະທຳມະຫາຊົນເຊັ່ນ : ການສ້າງຄອບຄົວ ແລະ ບ້ານວັດທະນະທຳ, ສະໂມສອນ, ເກມຫຼິ້ນທີ່ບໍ່ມີລັກສະນະການພະນັນ, ສູນວັດທະນະ ທຳເດັກ, ສິ່ງກໍ່ສ້າງທີ່ມີຄຸນຄ່າທາງດ້ານວັດທະນະທຳຢູ່ສວນສາທາລະນະ, ປ້າຍ, ສະຖານທີ່ບັນເທີງ, ທີ່ພັກແຮມ, ຮ້ານອາຫານ, ສວນອາຫານ, ພັດຕະຄານ, ສະຖານທີ່ທ່ອງທ່ຽວ, ການບໍລິການນຳທ່ຽວ, ແບບແຜນການດຳລົງຊີ ວິດ, ຮີດຄອງປະເພນີ, ການເຮັດບຸນສິນກິນທານ ແລະ ງານພິທີກຳຕ່າງໆ ຂອງບັນດາເຜົ່າ ຢູ່ພາຍໃນແຂວງຫຼວງ ນ້ຳທາ;

3.9.   ຄຸ້ມຄອງ, ສົ່ງເສີມ ແລະ ຈັດຕັ້ງການເຄື່ອນໄຫວສະແດງສິລະປະອາຊີບ, ສິລະປະມວນຊົນ, ຈັດຕັ້ງງານແຂ່ງຂັນ ມະໂຫລານສິລະປະວັນນະຄະດີພື້ນເມືອງເຜົ່າຕ່າງໆ ເພື່ອສ້າງບັນຍາກາດຮັບໃຊ້ໜ້າທີ່ການເມືອງ, ຮັບໃຊ້ມວນ ຊົນຢູ່ພາຍໃນແຂວງຫຼວງນ້ຳທາ ແລະ ຕ່າງປະເທດ ຕາມການຕົກລົງຂອງຂັ້ນເທິງ;

3.10. ຄົ້ນຄ້ວາ, ສຳຫຼວດ, ເກັບກຳ, ຂື້ນບັນຊີວັດຖຸບູຮານ, ບູຮານສະຖານ, ຮ່ອງຮອຍປະຫວັດສາດ, ປູສະນີຍະສະ ຖານ, ສະຖານທີ່ປະຫວັດສາດ ແລະ ທຳມະຊາດ ເພື່ອນຳສະເໜີໃຫ້ຂັ້ນເທິງ, ພາກສ່ວນກຽວຂ້ອງຮັບຊາບ ແລະ ພິຈາລະນາ;

3.11. ກຳນົດແຜນພັດທະນາ, ຄຸ້ມຄອງ, ບໍລິການຫໍພິພິດຕະພັນສະຖານບູຮານ ແລະ ຈັດງານວາງສະແດງມູນເຊື້ອໃນງານບຸນສຳຄັນຕ່າງໆຕາມການແບ່ງຂັ້ນຄຸ້ມຄອງ;

3.12. ຄຸ້ມຄອງ, ກວດກາ ແລະ ສົ່ງເສີມວຽກງານການພິມ, ພິມຈຳໜ່າຍປຶ້ມ ແລະ ສິ່ງພິມອື່ນໆ, ຈັດຕັ້ງຂະບວນການ ແຂ່ງຂັນ, ສົ່ງເສີມການປະດິດຄິດແຕ່ງວັນນະຄະດີ, ຂະຫຍາຍ ແລະ ສົ່ງເສີມຫ້ອງສະໝຸດ, ການອ່ານໃນທົ່ວປວງ ຊົນພາຍໃນແຂວງຫຼວງນ້ຳທາ;

3.13. ສຶກສາຄົ້ນຄ້ວາ, ສ້າງຕັ້ງອານຸສາວະລີ, ອານຸສອນສະຖານທີ່ເປັນມູນເຊື້ອທາງປະຫວັດສາດ ແລະ ວັດທະນະທຳ ຂອງແຂວງເພື່ອນຳສະເໜີໃຫ້ຂັ້ນເທິງພິຈາລະນາ;

3.14. ປຸກລະດົມສົ່ງເສີມພາກລັດ, ເອກະຊົນ ເພື່ອຜະລິດຮູບເງົາ, ສາລະຄະດີ, ພາບ ແລະ ສຽງ, ຊີດີ, ວີຊີດີ, ດີວີດີ ທີ່ ສ່ອງແສງເຖິງເຫດການທີ່ສຳຄັນທາງການເມືອງ, ເສດຖະກິດ, ວັດທະນະທຳ - ສັງຄົມ ເພື່ອເຜີຍແຜ່ສຶກສາອົບ ຮົມໃຫ້ສັງຄົມ;

3.15. ຄົ້ນຄ້ວາ ກຳນົດແຜນຍຸດທະສາດການທ່ອງທ່ຽວ ພ້ອມທັງສ້າງເງື່ອນໄຂຍູ້ໜູນໃຫ້ມີການເຄື່ອນໄຫວຢ່າງປົກກະຕິ ແລະ ສອດຄ່ອງກັບທິດທາງຂັ້ນເທິງ;

3.16. ຊຸກຍູ້, ສົ່ງເສີມພົວພັນປະສານງານ ແລະຈັດຕັ້ງງານສົງເສີມການທ່ອງທ່ຽວພາຍໃນແຂວງຫຼວງນ້ຳທາ, ແຂວງທີ່ໃກ້ຄຽງ, ພາຍໃນປະເທດ ແລະ ຕ່າງປະເທດຕາມການຕົກລົງຂອງຂັ້ນເທິງ;

3.17. ຄົ້ນຄ້ວາ, ສ້າງຕັ້ງ ແລະ ປັບປຸງຫ້ອງຂໍ້ມູນຂ່າວສານການທ່ອງທ່ຽວຢູ່ພາຍໃນແຂວງຫຼວງນ້ຳທາ ແລະ ເມືອງ ຫຼື ສະ ຖານທີ່ທ່ອງທ່ຽວຕ່າງໆ ເພື່ອໃຫ້ຄວາມຮູ້ ແລະ ອຳນວຍຄວາມສະດວກໃຫ້ແກ່ນັກທ່ອງທ່ຽວພາຍໃນ ແລະ ຕ່າງ ປະເທດ;

3.18. ສ້າງແຜນການລົງເຄື່ອນໄຫວສຳຫຼວດແຫຼ່ງທ່ອງທ່ຽວໃນຂອບເຂດແຂວງ ໂດຍສົມທົບກັບ ຂະແໜງການ ແລະ ທ້ອງຖິ່ນ ເພື່ອພັດທະນາໃຫ້ເປັນສະຖານທີ່ທ່ອງທ່ຽວ ທີ່ສາມາດຮັບໃຊ້ໃຫ້ແກ່ນັກທ່ອງທ່ຽວທັງພາຍໃນ ແລະ ຕ່າງປະເທດ;

3.19. ຄຸ້ມຄອງ ແລະ ພັດທະນາແບບອະນຸລັກບັນດາແຫຼ່ງທ່ອງທ່ຽວທຳມະຊາດ, ວັດທະນະທຳ ແລະ ປະຫວັດສາດໂດຍປະຊາຊົນມີສ່ວນຮ່ວມໃຫ້ຍືນຍົງ ແລະ ຮັກສາຄຸນຄ່າອັນໂດດເດັ່ນນັ້ນໄວ້;

3.20. ຄົ້ນຄ້ວາປະກອບຄຳຄິດຄຳເຫັນດ້ານວິຊາການຕໍ່ຄຳຮ້ອງຂໍສ້າງຕັ້ງ, ໂຈະຊົ່ວຄາວ, ສືບຕໍ່, ຍົກເລີກ, ຖອນໃບອະນຸ ຍາດການດຳເນີນທຸລະກິດຖະແຫຼງຂ່າວສື່ມວນຊົນ, ວັດທະນະທຳ ແລະ ທ່ອງທ່ຽວຕາມການແບ່ງຂັ້ນຄຸ້ມຄອງ;

3.21. ຄົ້ນຄ້ວາ ຄຳຮ້ອງອະນຸຍາດອອກບັດ ຫຼື ຖອນບັດນັກຂ່າວ, ບັດນຳທ່ຽວຂອງພະນັກງານນຳທ່ຽວຕາມການແບ່ງຂັ້ນ ຄຸ້ມຄອງ;

3.22. ຄົ້ນຄ້ວາ ປະກອບຄຳເຫັນທາງດ້ານວິຊາການ ຕໍ່ການຂໍອະນຸມັດສ້າງຕັ້ງສະມາຄົມວິຊາຊີບຖະແຫຼງຂ່າວ, ວັດທະນະ ທຳ ແລະ ທ່ອງທ່ຽວຕາມການແບ່ງຂັ້ນຄຸ້ມຄອງ;

3.23. ຄົ້ນຄ້ວາ ພິຈາລະນາ ນຳສະເໜີ ຂໍອະນຸມັດໃຫ້ບໍລິສັດທ່ອງທ່ຽວ ນຳນັກທ່ອງທ່ຽວເຂົ້າ - ອອກ ປະເທດຢູ່ດ່ານສາ ກົນໂດຍການພົວພັນປະສານສົມທົບກັບພາກສ່ວນທີ່ກ່ຽວຂ້ອງ;

3.24. ສ້າງແຜນການ ແລະ ຈັດຕັ້ງຝຶກອົບຮົມບຸກຄະລາກອນຂອງຂະແໜງຖະແຫຼງຂ່າວ, ວັດທະນະທຳ ແລະ ທ່ອງ ທ່ຽວ ທັງພາກລັດ ແລະ ເອກະຊົນຕາມພາລະບົດບາດໃນຂອບເຂດທົ່ວແຂວງຫຼວງນ້ຳທາ;

3.25. ເກັບກຳ, ສັງລວມຂໍ້ມູນສະຖິຕິດ້ານຖະແຫຼງຂ່າວ, ວັດທະນະທຳ ແລະ ທ່ອງທ່ຽວຢູ່ພາຍໃນແຂວງເພື່ອລາຍງານ ໃຫ້ຂັ້ນເທິງເປັນປົກກະຕິ;

3.26. ສ້າງແຜນລາຍຮັບວິຊາການ, ມອບພັນທະເຂົ້າງົບປະມານ ແລະ ນຳໃຊ້ເຂົ້າໃນວຽກງານວິຊາການໃຫ້ຖືກຕ້ອງຕາມ ລະບຽກົດໝາຍງົບປະມານ ແລະ ການຕົກລົງເຫັນດີຂອງຂັ້ນເທິງ;

3.27. ສຶກສາອົບຮົມການເມືອງ, ນຳພາແນວຄິດ, ຄຸ້ມຄອງ, ບຳລຸງກໍ່ສ້າງ, ປະຕິບັດນະໂຍບາຍ ແລະ ປະຕິບັດວິໄນຕໍ່ພະ ນັກງານພາຍໃນພະແນກຕາມການຕົກລົງເຫັນດີຂອງຂັ້ນເທິງ;

3.28. ກຳນົດລະບຽບການຄຸ້ມຄອງພະນັກງານ - ລັດຖະກອນ ທີ່ຂື້ນກັບສິດຄຸ້ມຄອງຢູ່ຂັ້ນຂອງຕົນ;

3.29. ຂື້ນແຜນງົບປະມານ, ພາຫະນະອຸປະກອນຕ່າງໆ ເພື່ອຮັບໃຊ້ວຽກງານພາຍໃນພະແນກ;

3.30. ສະຫຼຸບ ສັງລວມ, ລາຍງານສະພາບການເຄື່ອນໄຫວຮອບດ້ານ ຂອງພະແນກໃຫ້ຂັ້ນເທິງ ແລະ ນຳເອົາທິດຊີ້ນຳ ຂອງຂັ້ນເທິງລົງມາເຜີຍແຜ່ຈັດຕັ້ງປະຕິບັດ;

3.31. ປະຕິບັດໜ້າທີ່ອື່ນໆ ຕາມການມອບໝາຍ ຂອງອົງການປົກຄອງແຂວງ ແລະ ກະຊວງຖະແຫຼງຂ່າວ, ວັດທະນະ ທຳ ແລະ ທ່ອງທ່ຽວ;

ມາດຕ 4  :  ຂອບເຂດສິດ.

             ພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງຫຼວງນ້ຳທາມີສິດດັ່ງນີ້  :

4.1.   ຮ່າງຂໍ້ຕົກລົງ, ຄຳສັ່ງ,  ຄຳແນະນຳຕາມການຊີ້ນຳຂອງເຈົ້າແຂວງ ແລະ ລັດຖະມົນຕີກະຊວງຖະແຫຼງຂ່າວ, ວັດທະ

ນະທຳ  ແລະ ທ່ອງທ່ຽວ;

4.2.   ອອກແຈ້ງການ, ໜັງສືສະເໜີ ແລະ ເຊັນຢັ້ງຢືນເອກະສານຕ່າງໆທີ່ກ່ຽວຂ້ອງເຖິງວຽກງານຄຸ້ມຄອງດ້ານຖະແຫຼງ ຂ່າວ, ວັດທະນະທຳ ແລະ ທ່ອງທ່ຽວຢູ່ພາຍໃນແຂວງຕາມການເຫັນດີຂອງທ່ານເຈົ້າແຂວງ;

4.3.   ອອກໃບອະນຸຍາດ ແລະ ຍົກເລີກການເຄື່ອນໄຫວວຽກງານຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ໃຫ້ແກ່ ການຈັດຕັ້ງ, ບຸກຄົນ, ນິຕິບຸກຄົນ ຢູ່ພາຍໃນແຂວງຕາມການແບ່ງຂັ້ນຄຸ້ມຄອງ;

4.4.   ກວດກາ, ແນະນຳການຈັດຕັ້ງປະຕິບັດບັນດານິຕິກຳ ກ່ຽວກັບ ວຽກງານຖະແຫຼງຂ່າວ, ວັດທະນະທຳ ແລະ ທ່ອງ ທ່ຽວຕໍ່ການຈັດຕັ້ງ, ບຸກຄົນ, ນິຕິບຸກຄົນຢູ່ພາຍໃນແຂວງ;

4.5.   ສະເໜີໃຫ້ຂັ້ນເທິງ ແລະ ພາກສ່ວນກ່ຽວຂ້ອງພິຈາລະນາປະຕິບັດນະໂຍບາຍຍ້ອງຍໍ - ວິໄນ ຕໍ່ພາກສ່ວນທີ່ມີຜົນ ງານ ແລະ ລະເມີດນິຕິກຳ ກ່ຽວກັບ ວຽກງານຖະແຫຼງຂ່າວ, ວັດທະນະທຳ ແລະ ທ່ອງທ່ຽວ;

4.6.   ເຂົ້າຮ່ວມປະຊຸມ, ສະເໜີ ແລະ ປະກອບຄຳເຫັນຕໍ່ວຽກງານຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ຕາມ ພາລະບົດບາດຂອງຕົນ;

4.7.   ພົວພັນຮຽກໂຮມປະຊຸມ, ສຳມະນາ ແລະ ຖອດຖອນບົດຮຽນ ກ່ຽວກັບ ວຽກງານຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ກັບການຈັດຕັ້ງຂອງລັດ, ສັງຄົມ, ບຸກຄົນ ອົງການຈັດຕັ້ງສາກົນຢູ່ພາຍໃນ ແລະ ຕ່າງປະເທດ ຕາມການຕົກລົງຂອງຂັ້ນເທິງ;

4.8.   ສະເໜີທ່ານເຈົ້າແຂວງແຕ່ງຕັ້ງ, ຍົກຍ້າຍ ແລະ ປົດຕຳແໜ່ງ ລັດຖະກອນຂັ້ນຫົວໜ້າພະແນກ, ຮອງຫົວໜ້າພະ ແນກ, ຫົວໜ້າຂະແໜງ, ຮອງຫົວໜ້າຂະແໜງ, ຫົວໜ້າກອງວິຊາການ, ຮອງຫົວໜ້າກອງວິຊາການ ແລະ ພະນັກ ງານວິຊາການບົນພື້ນຖານການເຫັນດີຈາກຂັ້ນເທິງ;

4.9.   ສະເໜີທ່ານເຈົ້າແຂວງ ບັນຈຸ,​ ສັບຊ້ອນການເລື່ອນຊັ້ນ - ຂັ້ນເງິນເດືອນໃຫ້ລັດຖະກອນທີ່ສັງກັດພະແນກ ບົນພື້ນ ຖານການເຫັນດີຈາກຄະນະຈັດຕັ້ງແຂວງ ຫຼື ພະແນກພາຍໃນແຂວງ;

4.10. ສະເໜີທ່ານເຈົ້າແຂວງ ພິຈາລະນາ ຕົກລົງປະຕິບັດຍ້ອງຍໍ,​ ສັນລະເສີນ ແລະ ປະຕິບັດວິໄນ ຕໍ່ພະນັກງານ-ລັດຖະ ກອນບົນພື້ນຖານການເຫັນດີຈາກຄະນະຈັດຕັ້ງແຂວງ  ຫຼື  ພະແນກພາຍໃນ ແລະ ກະຊວງຖະແຫຼງຂ່າວ, ວັດທະ

ນະທຳ ແລະ ທ່ອງທ່ຽວ;

4.11. ສະເໜີທ່ານເຈົ້າແຂວງ ແລະ ລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ, ສັ່ງໂຈະການຈັດຕັ້ງປະຕິບັດຂໍ້ກຳນົດ, ຂໍ້ຕົກລົງຕ່າງໆ ໃນຂອບເຂດວຽກງານຖະແຫຼງຂ່າວ, ວັດທະນະທຳ ແລະ ທ່ອງ ທ່ຽວ ທີ່ເຫັນວ່າບໍ່ສອດຄ່ອງ ແລະ ຂັດກັບແນວທາງນະໂຍບາຍຂອງພັກ-ລັດ;

4.12. ສະເໜີທ່ານເຈົ້າແຂວງປັບປຸງກົງຈັກການຈັດຕັ້ງ, ຄຸ້ມຄອງ ແລະ ປະຕິບັດນະໂຍບາຍ ຕໍ່ພະນັກງານ-ລັດຖະກອນ ພາຍໃນພະແນກ;

4.13. ຊີ້ນຳ,​ ຊຸກຍູ້, ແນະນຳການຈັດຕັ້ງປະຕິບັດວຽກງານ ຫ້ອງການຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ເມືອງ, ເທດສະບານ;

4.14. ໂຄສະນາ ແລະ ສ້າງກິດຈະກຳຕ່າງໆຮ່ວມກັບພາກລັດ ແລະ ເອກະຊົນ ແລະ ສົ່ງເສີມການທ່ອງທ່ຽວໃນງານທ່ອງ ທ່ຽວ ເທດສະການຕ່າງໆ ການຢ້ຽມຢາມແຫຼ່ງທ່ອງທ່ຽວ ໂຄສະນາຂາຍຜະລິດຕະພັນ ແລະ ຈັດລາຍການທ່ອງ ທ່ຽວຕາມການຕົກລົງຂອງຂັ້ນເທິງ;

4.15. ຂຶ້ນແຜນງົບປະມານ, ພາຫະນະ, ອຸປະກອນດ້ານຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແລະ ຄຸ້ມຄອງ ການນຳໃຊ້ໃຫ້ມີປະສິດທິຜົນ;

4.16. ຄຸ້ມຄອງ, ນຳໃຊ້ກອງທຶນສົ່ງເສີມການທ່ອງທ່ຽວແຫ່ງຊາດ ແລະ ກອງທຶນສົ່ງເສີມວຽກງານຖະແຫຼງຂ່າວ, ວັດທະ

ນະທຳ ໃຫ້ຖືກຕ້ອງຕາມລະບຽບກົດໝາຍ;

4.17. ປະຕິບັດສິດອື່ນໆ ຕາມການມອບໝາຍຂອງຂັ້ນເທິງ;

ໝວດທີ III

ໂຄງປະກອບການຈັດຕັ້ງ

ມາດຕາ 5  :    ໂຄງປະກອບກົງຈັກ  :

             ພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແຂວງຫຼວງນ້ຳທາ ປະກອບດ້ວຍກົງຈັກການຈັດຕັ້ງ ດັ່ງລຸ່ມນີ້  :

5.1.   ການຈັດຕັ້ງດ້ານບໍລິຫານ ແລະ ຄຸ້ມຄອງດ້ານວິຊາການຊ່ວຍວຽກພະແນກມີຄື  :

1. ຂະແໜງ ຖະແຫຼງຂ່າວ;
2. ຂະແໜງ ວັດທະນະທຳ;
3. ຂແໜງ ທ່ອງທ່ຽວ;
4. ຂະແໜງ ບໍລິຫານ;
5. ຂະແໜງ ຈັດຕັ້ງ - ພະນັກງານ;
6. ຂະແໜງ ກວດກາ;
7. ຂະແໜງ ສະຖິຕິ,  ແຜນການ  ແລະ  ການຮ່ວມມື;

5.2.   ການຈັດຕັ້ງກອງວິຊາການຂຶ້ນກັບພະແນກມີຄື  :

1. ສະຖານີວິທະຍຸ-ໂທລະພາບ;
2. ຂ່າວສານ-ໜັງສືພິມ;
3. ຫໍວັດທະນະທຳ;
4. ຫໍພິພິທະພັນ;
5. 5. ສູນວັດທະນະທຳເດັກ;
6. 6. ສູນຝຶກອົບຮົມຖະແຫຼງຂ່າວ, ວັດທະນະທຳ ແລະ ທ່ອງທ່ຽວ; ບັນດາການຈັດຕັ້ງເຫຼົ່ານີ້ ມີສະຖານະພາບທຽບເທົ່າຂະແໜງ;

5.3.   ພາຍໃນຂະແໜງ ແລະ ກອງວິຊາການຍັງມີໜ່ວຍງານຂຶ້ນກັບ ( ຖ້າຈຳເປັນ );

ມາດຕາ 6  : ໂຄງປະກອບບຸກຄະລາກອນ  :

6.1.   ພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແຂວງຫຼວງນ້ຳທາ ມີຫົວໜ້າພະແນກ 01 ທ່ານ ເຊິ່ງໄດ້ຮັບການແຕ່ງຕັ້ງ, ຍົກຍ້າຍ ແລະ ປົດຕຳແໜ່ງໂດຍ ທ່ານເຈົ້າແຂວງຫຼວງນ້ຳທາ ຕາມການສະເໜີຂອງຄະນະຈັດຕັ້ງແຂວງ, ໂດຍການເຫັນດີຂອງລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ (ບົນພື້ນຖານຄວາມເປັນເອກະພາບຂອງຄະນະຈັດຕັ້ງສູນກາງພັກ);

6.2.   ມີຮອງຫົວໜ້າພະແນກຈຳນວນໜື່ງ, ເຊີ່ງໄດ້ຮັບການແຕ່ງຕັ້ງ, ຍົກຍ້າຍ ແລະ ປົດຕຳແໜ່ງໂດຍ ທ່ານເຈົ້າແຂວງ ຫຼວງນ້ຳທາ ຕາມການສະເໜີຂອງຄະນະຈັດຕັ້ງແຂວງ ບົນພື້ນຖານການເຫັນດີຂອງລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ;

6.3.   ປະກອບມີຫົວໜ້າຂະແໜງ, ຮອງຫົວໜ້າຂະແໜງ, ຫົວໜ້າກອງວິຊາການ, ຮອງຫົວໜ້າກອງວິຊາການ ແລະ ພະ ນັກງານວິຊາການຈຳນວນໜື່ງຕາມຕຳແໜ່ງທີ່ໄດ້ກຳນົດໄວ້ ເຊິ່ງໄດ້ຮັບການບັນຈຸ, ສັບຊ້ອນ, ແຕ່ງຕັ້ງ, ຍົກຍ້າຍ ແລະ ປົດຕຳແໜ່ງ ໂດຍທ່ານເຈົ້າແຂວງຫຼວງນ້ຳທາ ຕາມການສະເໜີຂອງຄະນະຈັດຕັ້ງແຂວງ ແລະ ຫົວໜ້າພະ ແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ;

ໝວດທີ IV

ໜ້າທີ່ຂອງແຕ່ລະຂະແໜງ

ມາດຕາ  7 :      ໜ້າທີ່ຕົ້ນຕໍຂອງແຕ່ລະຂະແໜງ ມີດັ່ງນີ້  :

7.1.  ຂະແໜງຖະແຫຼງຂ່າວ  :

1. ຄົ້ນຄ້ວາ, ຮ່າງບົດແນະນຳ, ແຈ້ງການ ແລະ ໜັງສືສະເໜີຕ່າງໆ ທີ່ພົວພັນເຖິງວຽກງານຖະແຫຼງຂ່າວ ໃຫ້ຄະນະພະ ແນກພິຈາລະນາ;
2. ຄົ້ນຄ້ວາກຳນົດແຜນຍຸດທະສາດ ການພັດທະນາວຽກງານຖະແຫຼງຂ່າວ-ສື່ມວນຊົນ ໃຫ້ຫົວໜ້າພະແນກພິຈາລະ ນາ ພ້ອມທັງຈັດຕັ້ງປະຕິບັດຕາມການຕົກລົງ;
3. ຄົ້ນຄ້ວາ ແລະ ຈັດຕັ້ງປະຕິບັດເຜີຍແຜ່ຄຳສັ່ງ, ແຈ້ງການ, ​ຂໍ້ກຳນົດ, ກົດໝາຍດ້ານສື່ມວນຊົນຢູ່ພາຍໃນແຂວງ ແລະ ນຳສະເໜີປະຕິບັດມາດຕະການຕໍ່ຜູ້ລະເມີດ;
4. ຄຸ້ມຄອງ, ກວດກາພະຫະນະສື່ມວນຊົນຂອງລັດ ແລະ ເອກະຊົນທີ່ໄດ້ເຄື່ນໄຫວຢູ່ແຂວງຫຼວງນ້ຳທາເຊັ່ນ: ວິທະ ຍຸ-ໂທລະພາບ, ສື່ທາງເອເລັກໂຕຣນິກ, ກ້ອງຖ່າຍຮູບ, ຈານດາວທຽມ,​ ກ້ອງຖ່າຍວີດີໂອ ໃຫ້ຖືກຕ້ອງຕາມລະ ບຽບກົດໝາຍ;
5. ຄຸ້ມຄອງ, ອະນຸຍາດອອກບັດຂອງນັກຂ່າວພາຍໃນ ແລະ ຕ່າງປະເທດ ທີ່ໄດ້ເຄື່ອນໄຫວເກັບກຳຂ່າວຢູ່ພາຍໃນ ແຂວງຫຼວງນ້ຳທາ;
6. ແນະນຳ ປຸກລະດົມຊຸກຍູ້ ບັນດາສຳນັກງານ, ອົງການ, ໂຮງຮຽນ, ໂຮງໝໍ, ຮາກຖານປະຊາຊົນ, ສ້າງ ແລະ ປັບປຸງ ຕານ່າງຂ່າວ, ຫໍຂ່າວ;
7. ຄົ້ນຄ້ວາ ແລະ ນຳສະເໜີຂໍອະນຸມັດການສ້າງຕັ້ງ,​ໂຈະ, ຍົກເລີກ, ອອກ ແລະ ຖອນໃບອະນຸຍາດຜູ້ປະກອບການ ທີ່ເຄື່ອນໄຫວວຽກງານຖະແຫຼງຂ່າວສື່ມວນຊົນ;
8. ຂື້ນແຜນ ແລະ ຈັດຕັ້ງຝຶກອົບຮົມວິຊາການ ດ້ານຖະແຫຼງຂ່າວສື່ມວນຊົນ ໃຫ້ພະນັກງານ-ລັດຖະກອນ ພາຍໃນ ຂອບເຂດແຂວງຫຼວງນ້ຳທາ;
9. ຄົ້ນຄ້ວາ ປະກອບຄຳຄິດຄຳເຫັນທາງດ້ານວິຊາການ ແລະ ນຳສະເໜີ ປະຕິບັດນະໂຍບາຍຍ້ອງຍໍ ແລະ ປະຕິບັດ ມາດຕະການຕໍ່ຜູ້ລະເມີດນິຕິກຳດ້ານຖະແຫຼງຂ່າວສື່ມວນຊົນ;
10. ເກັບກຳສະຖິຕິ, ສະຫຼຸບ-ສັງລວມ ແລະ ລາຍງານສະພາບການເຄື່ອນໄຫວຂອງຂະແໜງ;
11. ປະຕິບັດໜ້າທີ່ອື່ນໆຕາມການມອບໝາຍ;

7.2.  ຂະແໜງວັດທະນະທຳ  :

1. ຄົ້ນຄ້ວາ, ​ຮ່າງບົດແນະນຳ, ແຈ້ງການ ແລະ ໜັງສືສະເໜີຕ່າງໆທີ່ພົວພັນເຖິງວຽກງານວັດທະນະທຳ ໃຫ້ຄະນະພະ ແນກພິຈາລະນາ;
2. ຄົ້ນຄ້ວາກຳນົດແຜນຍຸດທະສາດການອະນຸລັກ, ສົ່ງເສີມວັດທະນະທຳ ໃຫ້ຫົວໜ້າພະແນກພິຈາລະນາ ພ້ອມທັງ ຈັດຕັ້ງປະຕິບັດໃຫ້ປະກົດຜົນເປັນຈິງ;
3. ຄົ້ນຄ້ວາເຜີແຜ່ ແລະ ປະຕິບັດຄຳສັ່ງ, ​ແຈ້ງການ, ຂໍ້ກຳນົດ, ກົດໝາຍ ວ່າດ້ວຍ ການຄຸ້ມຄອງວັດທະນະທຳຢູ່ພາຍໃນແຂວງຫຼວງນ້ຳທາ;
4. ຊຸກຍູ້, ຕິດຕາມ,​ ກວດກາ, ແນະນຳ ການສ້າງຄອບຄົວ ແລະ ບ້ານວັດທະນະທຳ, ສະຖານທີ່ບັນເທີງທຸກປະເພດ, ປ້າຍ, ເກມຫຼິ້ນທີ່ບໍ່ມີລັກສະນະການພະນັນສະໂມສອນ, ​ສວນສາທາລະນະ, ຮີດຄອງປະເພນີ, ການເຮັດບຸນສິນ ກິນທານ ແລະ ງານພິທີກຳຕ່າງໆ ຂອງບັນດາເຜົ່າຢູ່ພາຍໃນແຂວງຫຼວງນ້ຳທາ;
5. ຊຸກຍູ້, ສົ່ງເສີມ, ຈັດຕັ້ງຂະບວນການແຂ່ງຂັນສິລະປະບັນດາເຜົ່າ, ການປະດິດຄິດແຕ່ງວັນະຄະດີປະເພດຕ່າງໆ, ການປະກວດນັກຮ້ອງ, ລຳ, ຟ້ອນ,​ ລະຄອນ,​ ເຄື່ອງນຸ່ງຫົ່ມຂອງບັນດາເຜົ່າ, ນາງສາວອາພອນເພດຊົນເຜົ່າ, ປະ ກວດສາວງາມ,​ ເຄື່ອງຫັດຖະກຳສີໄມ້ລາຍມືຕ່າງໆ ເພື່ອສົ່ງເສີມເອກະລັກວັດທະນະທຳ ແລະ ພອນສະຫວັນ ຂອງມວນຊົນພາຍໃນແຂວງຫຼວງນ້ຳທາ;
6. ຊຸກຍູ້, ຕິດຕາມ,​ ກວດກາ, ​ແນະນຳການເຄື່ອນໄຫວວຽກງານການພິມຈຳໜ່າຍ, ຜະລິດຕະພັນດ້ານວັດທະນະທຳ ແລະ ວຽກງານສົ່ງເສີມການອ່ານພາຍໃນແຂວງຫຼວງນ້ຳທາ;
7. ຄົ້ນຄວ້າ ແລະ ນຳສະເໜີຂໍອະນຸມັດການສ້າງຕັ້ງ, ໂຈະ, ຍົກເລີກ, ອອກ ແລະ ຖອນໃບອະນຸຍາດຜູ້ປະກອບການ ທີ່ເຄື່ອນໄຫວວຽກງານວັດທະນະທຳຕາມການແບ່ງຂັ້ນຄຸ້ມຄອງ;
8. ສ້າງແຜນ ແລະ ຈັດຕັ້ງຝຶກອົບຮົມຍົກລະດັບວິຊາການຂະແໜງວັດທະນະທຳ;
9. ຕິດຕາມ, ກວດກາ,​ ເກັບກຳຂໍ້ມູນ ແລະ ຂື້ນບັນຊີມໍລະດົກວັດທະນະທຳຕາມຂອບເຂດສິດຄຸ້ມຄອງ;
10. ຄົ້ນຄ້ວາປະກອບຄຳຄິດຄຳເຫັນທາງດ້ານວິຊາການ ແລະ ນຳສະເໜີປະຕິບັດນະໂຍບາຍຍ້ອງຍໍ ແລະ ປະຕິບັດມາດ ຕະການຕໍ່ຜູ້ລະເມີດນິຕິກຳດ້ານວັດທະນະທຳ;
11. ຄຸ້ມຄອງ, ສັງລວມຂໍ້ມູນສະຖິຕິດ້ານວຽກງານວັດທະນະທຳ;
12. ຂື້ນແຜນການ,​ຈັດຕັ້ງປະຕິບັດແຜນ ແລະ ສະຫຼຸບວຽກງານຮອບດ້ານຂະແໜງເປັນປະຈຳ ໃນແຕ່ລະໄລຍະ;
13. ປະຕິບັດໜ້າທີ່ອື່ນໆ ຕາມການມອບໝາຍ;

7.3.  ຂະແໜງທ່ອງທ່ຽວ  :

1. ຮ່າງບົດແນະນຳ, ແຈ້ງການ ແລະ ໜັງສືສະເໜີຕ່າງໆທີ່ ພົວພັນເຖິງວຽກງານທ່ອງທ່ຽວ ໃຫ້ຫົວໜ້າພະແນກພິຈາ ລະນາ;
2. ສ້າງແຜນຍຸດທະສາດພັດທະນາການທ່ອງທ່ຽວ ເພື່ອຕອບສະໜອງກັບການຂະຫຍາຍຕົວຂອງສັງຄົມ ໃຫ້ສອດ ຄ່ອງກັບແນວທາງນະໂຍບາຍຂອງພັກ-ລັດ;
3. ໂຄສະນາເຜີຍແຜ່ມະຕິ, ຄຳສັ່ງ, ກົດໝາຍ, ​ຂໍ້ກຳນົດ ແລະ ແຈ້ງການຕ່າງໆ ກ່ຽວກັບ ການທ່ອງທ່ຽວຢູ່ພາຍໃນ ແຂວງຫຼວງນ້ຳທາ;
4. ຄົ້ນຄ້ວາ, ສຶກສາ, ວິເຄາະ, ວິໄຈ, ນຳສະເໜີໂຄງການລົງທຶນຂອງລັດ ແລະ ແຜນພັດທະນາການທ່ອງທ່ຽວໃນ ຂອບເຂດແຂວງຫຼວງນ້ຳທາ ເພື່ອນຳສະເໜີຫົວໜ້າພະແນກພິຈາລະນາ;
5. ຊຸກຍູ້, ຕິດຕາມ, ກວດກາ, ແນະນຳ ການສ້າງໂຮງແຮມ, ລີສອດ, ເຮືອນພັກ, ຮ້ານອາຫານ, ຮ້ານກິນດື່ມ ແລະ ອື່ນໆຕາມການແບ່ງຂັ້ນຄຸ້ມຄອງ;
6. ສຳຫຼວດ, ເກັບກຳຂໍ້ມູນ, ອອກແບບ, ຈັດສັນແຫຼ່ງທ່ອງທ່ຽວ ແລະ ຫ້ອງຂໍ້ມູນຂ່າວສານດ້ານການທ່ອງທ່ຽວ ໃນ ຂອບເຂດແຂວງຫຼວງນ້ຳທາ;
7. ຊຸກຍູ້, ຕິດຕາມ, ກວດກາ, ​ແນະນຳການເຄື່ອນໄຫວວຽກງານການທ່ອງທ່ຽວ ໃຫ້ຖືກຕ້ອງຕາມກົດໝາຍ ວ່າດ້ວຍ ການທ່ອງທ່ຽວ ແລະ ກົດໝາຍອື່ນໆ ທີ່ກ່ຽວຂ້ອງໃນຂົງເຂດແຂວງຫຼວງນ້ຳທາ;
8. ຄົ້ນຄ້ວາ ແລະ ນຳສະເໜີຂໍອະນຸມັດການສ້າງຕັ້ງ, ໂຈະ, ຍົກເລີກ, ອອກ ແລະ ຖອນໃບອະນຸຍາດຜູ້ປະກອບການ ທ່ອງທ່ຽວ, ໂຮງແຮມ, ລີສອດ, ເຮືອນພັກ, ຮ້ານອາຫານ, ຮ້ານກິນດື່ມ ແລະ ອື່ນໆຕາມການແບ່ງຂັ້ນຄຸ້ມຄອງ;
9. ຄົ້ນຄ້ວາ ແລະ ນຳສະເໜີຂໍອະນຸຍາດນຳນັກທ່ອງທ່ຽວເຂົ້າມາທ່ອງທ່ຽວ ໃນຂົງເຂດແຂວງຫຼວງນ້ຳທາ ຕາມການ ແບ່ງຂັ້ນຄຸ້ມຄອງ;
10. ປັບປຸງບູລະນະສູນ-ຫ້ອງຂໍ້ມູນຂ່າວສານ, ເວັບໄຊດ໌ການທ່ອງທ່ຽວ ໃຫ້ທັນສະໄໝຢູ່ຂັ້ນແຂວງ, ເມືອງ ແລະ ເພີ່ມ ທະວີການໂຄສະນາ ແລະ  ປຸກລະດົມຂົນຂວາຍການທ່ອງທ່ຽວພາຍໃນ  ແລະ  ຕ່າງປະເທດຢ່າງແຂງແຮງ  ແລະ

ກ້ວາງຂວາງ;

11. ຄົ້ນຄ້ວາ ກຳນົດສ້າງແຜນພັດທະນາບຸກຄະລາກອນ ແລະ ຈັດຕັ້ງຝຶກອົບຮົມຍົກລະດັບວິຊາການ ການທ່ອງທ່ຽວ ພາຍໃນແຂວງ;
12. ຕິດຕາມ, ກວດກາ, ເກັບກຳຂໍ້ມູນ ແລະ ຂື້ນບັນຊີແຫຼ່ງທ່ອງທ່ຽວ, ໂຄສະນາສົ່ງເສີມ ແລະ ພັດທະນາການທ່ອງ ທ່ຽວໃຫ້ຍືນຍົງ ພ້ອມທັງປູກຈິດສຳນຶກ ກ່ຽວກັບ ຄວາມຮູ້ພື້ນຖານທີ່ດີຂອງຄົນລາວ ແລະ ຂອງຊາດລາວ;
13. ສ້າງ ແລະ ອອກແບບເຄື່ອງໝາຍການຄ້າ ແລະ ຄຳຂັວນການທ່ອງທ່ຽວຕ່າງໆຢ່າງເໝາະສົມ;
14. ຄົ້ນຄ້ວາປະກອບຄຳຄິດຄຳເຫັນທາງດ້ານວິຊາການ ແລະ ນຳສະເໜີປະຕິບັດນະໂຍບາຍຍ້ອງຍໍ ແລະ ປະຕິບັດມາດ ຕະການຕໍ່ຜູ້ລະເມີດນິຕິກຳດ້ານການທ່ອງທ່ຽວ;
15. ຄຸ້ມຄອງ, ສັງລວມຂໍ້ມູນສະຖິຕິວຽກງານການທ່ອງທ່ຽວ;
16. ຂື້ນແຜນການ ແລະ ສະຫຼຸບວຽກງານຮອບດ້ານຂອງຂະແໜງ ເປັນປະຈຳໃນແຕ່ລະໄລຍະ;
17. ປະຕິບັດໜ້າທີ່ອື່ນໆ ຕາມການມອບໝາຍ;

7.4.  ຂະແໜງບໍລິຫານ  :

1. ຄົ້ນຄ້ວາ, ສ້າງແຜນການພັດທະນາວຽກງານຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ພ້ອມທັງສະຫຼຸບ, ສັງລວມການຈັດຕັ້ງປະຕິບັດໃນແຕ່ລະໄລຍະ;
2. ຄົ້ນຄ້ວາ, ຮ່າງຂໍ້ຕົກລົງ, ຄຳສັ່ງ, ຂໍ້ກຳນົດ, ບົດແນະນຳ, ແຈ້ງການ ແລະ ໜັງສືສະເໜີຕ່າງໆ ທີ່ພົວພັນເຖິງວຽກງານ ບໍລິຫານ ໃຫ້ຫົວໜ້າພະແນກ ແລະ ທ່ານເຈົ້າແຂວງພິຈາລະນາ;
3. ສ້າງແຜນການ ແລະ ຊຸກຍູ້ຈັດຕັ້ງປະຕິບັດ ບັນດາແຜນການ, ແຜນງານ ແລະ ໂຄງການອັນລະອຽດທີ່ໄດ້ຜ່ານການ ຮັບຮອງຈາກຂັ້ນເທິງ;
4. ຄົ້ນຄວ້າສ້າງແຜນງົບປະມານ, ລາຍຮັບວິຊາການ, ຄຸ້ມຄອງນຳໃຊ້ ແລະ ມອບພັນທະເຂົ້າງົບປະມານ ໃຫ້ຖືກຕ້ອງ ຕາມລະບຽບຫຼັກການ;
5. ຄຸ້ມຄອງ, ເກັບກຳສຳເນົ່າ, ບັນທຶກ ແລະ ແຈກຢາຍບັນດາເອກະສານຕ່າງໆ ໃຫ້ພາກສ່ວນກ່ຽວຂ້ອງ;
6. ພົວພັນປະສານງານ, ຄົ້ນຄ້ວາກະກຽມງານພິທີການຕ່າງໆ ຕາມການຕົກລົງຂອງຫົວໜ້າພະແນກ;
7. ຕິດຕາມ,​ ກວດກາ, ເກັບກຳ, ຄຸ້ມຄອງ ແລະ ຂື້ນບັນຊີຊັບສົມບັດຄົງທີ່, ພາຫະນະ ແລະ ອຸປະກອນຮັບໃຊ້ວຽກ ງານຕ່າງໆທາງດ້ານວິຊາການ;
8. ຊຸກຍູ້, ຕິດຕາມ, ກວດກາ, ແນະນຳການຮັກສາຄວາມເປັນລະບຽບຮຽບຮ້ອຍ, ຄວາມຈົບງາມ ແລະ ຄວາມສະ ຫງົບພາຍໃນສຳນັກງານ;
9. ສັງລວມຂໍ້ມູນສະຖິຕິດ້ານຕ່າງໆ ທີ່ກ່ຽວຂ້ອງກັບວຽກງານບໍລິຫານ ແລະ ວຽກງານລວມຂອງພະແນກ;
10. ສ້າງແຜນການ ແລະ ສະຫຼຸບ-ສັງລວມ ລາຍງານການເຄື່ອນໄຫວວຽກງານຮອບດ້ານຂອງພະແນກ ແລະ ນຳເອົາ ທິດທາງແຜນການຂອງຂັ້ນເທິງມາເຜີຍແຜ່ຈັດຕັ້ງປະຕິບັດ;
11. ປະຕິບັດໜ້າທີ່ອື່ນໆ ຕາມການມອບໝາຍຂອງຫົວໜ໊າພະແນກ;

7.5.  ຂະແໜງຈັດຕັ້ງ - ພະນັກງານ  :

1. ຄົ້ນຄ້ວາ, ຮ່າງຂໍ້ຕົກລົງ, ຄຳສັ່ງ, ຂໍ້ກຳນົດ, ບົດແນະນຳ, ແຈ້ງການ ແລະ ໜັງສືສະເໜີຕ່າງໆ ທີ່ພົວພັນເຖີງວຽກງານ ຈັດຕັ້ງ ໃຫ້ຫົວໜ້າພະແນກ ແລະ ທ່ານເຈົ້າແຂວງພິຈາລະນາ;
2. ຄົ້ນຄ້ວາ, ປັບປຸງຂໍ້ຕົກລົງ ວ່າດ້ວຍ ການຈັດຕັ້ງ ແລະ ເຄື່ອນໄຫວຂອງພະແນກ, ການກຳນົດຕຳແໜ່ງງານໃຫ້ຂັ້ນ ເທິງພິຈາລະນາ;
3. ຄົ້ນຄ້ວາບັນຈຸ,  ສັບຊ້ອນ,  ແຕ່ງຕັ້ງ, ຍົກຍ້າຍ, ປົດຕຳແໜ່ງ, ປະຕິບັດວິໄນ, ພະນັກງານ - ລັດຖະກອນ  ເພື່ອສະ

ເໜີໃຫ້ຂັ້ນເທິງພິຈາລະນາ;

4. ຄົ້ນຄ້ວາ, ສ້າງແຜນຄວາມຕ້ອງການ, ຈັດແບ່ງຕົວເລກລັດຖະກອນ ແລະ ຊຸກຍູ້ດຳເນີນການຄັດເລືອກສອບເສັ່ງ ລັດຖະກອນໃໝ່ ຕາມການຕົກລົງຂອງຂັ້ນເທິງ;
5. ຊຸກຍູ້, ຕິດຕາມ, ກວດກາ, ເກັບກຳ, ແນະນຳການປະຕິບັດລະບຽບລັດຖະກອນ ຂອງພະນັກງານ - ລັດຖະກອນ ແລະ ຈັດຕັ້ງການປະເມີນຜົນການປະຕິບັດວຽກງານຂອງລັດຖະກອນທີ່ຂື້ນກັບການຄຸ້ມຄອງຂອງພະແນກ;
6. ສ້າງແຜນການຝຶກອົບຮົມ, ບຳລຸງ, ຍົກລະດັບ ພ້ອມທັງຈັດສັນທຶນຮອນ ເພື່ອຮັບໃຊ້ການກໍ່ສ້າງພະນັກງານໃນແຕ່ ລະໄລຍະ;
7. ຄົ້ນຄ້ວາ, ກວດກາ, ນຳສະເໜີຂໍອະນຸມັດດັດແກ້ຊັ້ນ - ຂັ້ນເງິນເດືອນ ການເລື່ອນຂັ້ນປົກກະຕິ, ປີການ, ນະໂຍ ບາຍອຸດໜູນລູກ, ເມຍພະນັກງານ;
8. ຄົ້ນຄ້ວາ, ດັດແກ້ຂໍ້ມູນລັດຖະກອນດ້ານຕ່າງໆ ແລະ ນຳສະເໜີຂໍນະໂຍບາຍຍ້ອງຍໍ, ອຸດໜູນ, ອອກເສຍກຳລັງແຮງງານ, ບຳເນັດ, ບຳນານ ແລະ ອື່ນໆ;
9. ເກັບກຳສັງລວມ ແລະ ຂື້ນບັນຊີຈຳນວນພົນທົ່ວພະແນກ ແລະ ບັນຊີຈຳນວນພົນທີ່ໄດ້ຮັບເງິນເດືອນພາຍໃນພະແນກ;
10. ຄຸ້ມຄອງຂໍ້ມູນສະຖິຕິລັດຖະກອນດ້ານຕ່າງໆ, ຄຸ້ມຄອງຊີວະປະຫວັດ, ສຳນວນ-ສຳເນົາເອກະສານ ກ່ຽວກັບ ພະ ນັກງານ-ລັດຖະກອນພາຍໃນຂອບເຂດສິດຄຸ້ມຄອງຂອງພະແນກ;
11. ສ້າງແຜນການ ແລະ ສະຫຼຸບສັງລວມ, ລາຍງານວຽກງານຮອບດ້ານ ພ້ອມທັງນຳເອົາທິດຊີ້ນຳຂອງຂັ້ນເທິງ ລົງມາ ເຜີຍແຜ່ຈັດຕັ້ງປະຕິບັດພາຍໃນຂະແໜງ;
12. ປະຕິບັດໜ້າທີ່ອື່ນໆ ຕາມການມອບໝາຍຂອງການຈັດຕັ້ງ;

7.6.  ຂະແໜງກວດກາ  :

1. ຄົ້ນຄ້ວາ, ຮ່າງຂໍ້ຕົກລົງ, ຄຳສັ່ງ, ຂໍ້ກຳນົດ, ບົດແນະນຳ, ແຈ້ງການ ແລະ ໜັງສືສະເໜີຕ່າງໆ ທີ່ພົວພັນເຖີງວຽກງານ ກວດກາລັດ ໃຫ້ຫົວໜ້າພະແນກ ແລະ ທ່ານເຈົ້າແຂວງພິຈາລະນາ;
2. ສ້າງແຜນການລົງເຄື່ອນໄຫວກວດກາລັດຕາມແຜນການ, ຕາມການຮ້ອງຟ້ອງຂອງສັງຄົມ ແລະ ຕາມທິດຊີ້ນຳຂອງ ຂັ້ນເທິງ;
3. ຊຸກຍູ້, ຕິດຕາມ, ກວດກາ ແລະ ແນະນຳ ການຈັດຕັ້ງປະຕິບັດພາລະບົດບາດ, ໜ້າທີ່ຂອບເຂດສິດ, ຫຼັກການ, ແບບແຜນການເຮັດວຽກ ແລະ ບັນດານິຕິກຳຕ່າງໆຂອງການຈັດຕັ້ງລັດຂັ້ນພະແນກຄຸ້ມຄອງ;
4. ພົວພັນປະສານສົມທົບ ເພື່ອຂໍ້ມູນທີ່ກ່ຽວຂ້ອງກັບວຽກງານທີ່ພວມດຳເນີນການກວດການຳພາກສ່ວນທີ່ກ່ຽວຂ້ອງ;
5. ຈັດກອງປະຊຸມຄົ້ນຄ້ວາ, ປະກອບຄຳຄິດຄຳເຫັນທາງດ້ານວິຊາການ ແລະ ວິທີ່ການແກ້ໄຂບັນຫາທີ່ກວດພົບບົນ ພື້ນຖານຄວາມເປັນເອກະພາບກັບພາກສ່ວນກ່ຽວຂ້ອງ ເພື່ອນຳສະເໜີໃຫ້ຂັ້ນເທິງຕົກລົງ;
6. ອອກໜັງສືແຈ້ງການ ກ່ຽວກັບ ການຕົກລົງຜົນຂອງການກວດກາ ເພື່ອນຳສະເໜີຫົວໜ້າພະແນກພິຈາລະນາ;
7. ຊຸກຍູ້, ຕິດຕາມ, ກວດກາ, ແນະນຳການຈັດຕັ້ງປະຕິບັດຜົນຂອງການກວດກາ ແລະ ການນຳໃຊ້ມາດຕະການຕໍ່ ພາກສ່ວນທີ່ຖືກກວດກາ ຕາມການຕົກລົງຂອງຂັ້ນເທິງ;
8. ຮັບ ແລະ ຄົ້ນຄ້ວາຄຳສະເໜີ, ຄຳຮ້ອງຟ້ອງ, ຄຳຮ້ອງທຸກ ຂອງບັນດາການຈັດຕັ້ງສັງຄົມ, ນິຕິບຸກຄົນ, ບຸກຄົນ ທີ່ພົວພັນເຖິງວຽກງານຖະແຫຼງຂ່າວ, ວັດທະນະທຳ ແລະ ທ່ອງທ່ຽວໃນຂອບເຂດຄວາມຮັບຜິດຊອບຂອງພະແນກ;
9. ສັງລວມສະຖິຕິ, ຂຶ້ນບັນຊີ, ເກັບສຳເນົາຂໍ້ມູນຕ່າງໆ ທີ່ກ່ຽວຂ້ອງກັບວຽກງານກວດກາ;
10. ສ້າງແຜນການ ແລະ ສະຫຼຸບສັງລວມ, ລາຍງານວຽກງານຮອບດ້ານ ພ້ອມທັງນຳເອົາທິດຊີ້ນຳຂອງຂັ້ນເທິງລົງມາ ເຜີຍແຜ່ຈັດຕັ້ງປະຕິບັດພາຍໃນຂະແໜງ;
11. ປະຕິບັດໜ້າທີ່ອື່ນໆ ຕາມການມອບໝາຍຂອງຂັ້ນເທິງ;

7.7.  ຂະແໜງສະຖິຕິ,  ແຜນການ  ແລະ  ການຮ່ວມມື  :

1. ຄົ້ນຄວ້າ, ​ເຊື່ອມ​ຊຶມ ​ແນວທາງ​ຂອງ​ພັກ ​ແລະ  ນະ​ໂຍບາຍ, ລະບຽບ, ກົດໝາຍ​ຂອງ​ລັດ ພ້ອມ​ທັງ​ຫັນ​ເອົາ​ແຜນ​ຍຸດ​

ທະ​ສາດ,  ​ແຜນ​ງານ  ​ແລະ  ​ໂຄງການ ກ່ຽວ​ກັບ ການ​ພັດທະນາ​ວຽກ​ງານສະຖິຕິ - ​ແຜນການ ​ແລະ ຮ່ວມມືມາ​ເປັນ​ແຜນອັນລະອຽດ ​ເພື່ອ​ຈັດ​ຕັ້ງ​ປະຕິບັດ.

2. ສ້າງ​ແຜນ​ຍຸດ​ທະ​ສາດ, ແຜນ​ພັດທະ​ນາພັດທະ​ນາວຽກ​ງານຖະ​ແຫຼ​ງຂ່າວ, ວັດທະນະທຳ ​ ແລະທ່ອງ​ທ່ຽວ​ໃນ​ແຕ່ລະ​ໄລຍະ,  ຊີ້​ນຳ,  ຕິດຕາມ, ປະ​ເມີນ​ຜົນ​ການ​ປະຕິບັດ​ແຜນການ, ​ແຜນ​ງານ  ແລະ ​ໂຄງການຂອງ​ວຽກສະຖິຕິ - ​ແຜນ

ການ  ແລະ ການຮ່ວມມື.

3. ສະຫຼູ​ບລາຍ​ງານການ​ຈັດ​ຕັ້ງປະຕິບັດ​ແຜນການ, ​ແຜນ​ງານ ແລະ ​ໂຄງການພັດທະ​ນາວຽກ​ງານຖະ​ແຫຼ​ງຂ່າວ, ວັດທະ

ນະທຳ ​ ແລະ ທ່ອງ​ທ່ຽວໃນ​ແຕ່ລະ​ໄລຍະ.

4. ເກັບ​ກຳ, ວິ​ໄຈ​ສະຖິຕິ​ຂໍ້​ມູນຮອບດ້ານ ກ່ຽວກັບ ການພັດທະ​ນາ, ວຽກ​ງານຖະ​ແຫຼ​ງຂ່າວ, ວັດທະນະທຳ ແລະ ທ່ອງ​ທ່ຽວ.